Një person është arrestuar nga policia, ndërsa në momentin e ndalimit u kap me dy pistoleta në brez.

Bëhet fjalë për një 18-vjeçar nga Fushë-Kruja, i identifikuar si Abedin. T.

Policia thotë se “në vendin e quajtur ” Kodra e fiqve” kanë bërë kapjen dhe arrestimin në flagrancë të shtetasit Abedin T., 18 vjeç, banues në Fushë- Krujë, i cili qarkullonte me një armë zjarri në dorë.

Shërbimet e policisë kanë ushtruar kontroll edhe në banesën e këtij shtetasi ku si rezultat i kontrollit gjeti dhe sekuestroi në cilësinë e provës materiale edhe një armë zjarri tjetër, pushkë model 56 dhe 58 fishekë luftarakë.

Mbi 18-vjeçarin rëndon edhe akuza e kultivimit të bimëve narkotike, pasi gjatë kontrollit të territorit për parandalimin e kultivimit të bimëve narkotike, shërbimet e Policisë kanë konstatuar të mbjella disa bimë narkotike, ku dyshohet se i ka kultivuar shtetasi i mësipërm.

Materialet i kaluan Prokurorisë së Rrethit Gjyqësor Krujë për veprime të mëtejshme. /k.k/noa.al/