Bie në pranga një nga tre autorët e dyshuar që dhunuan 51-vjeçaren Qefsere Koleci, pas nje konflikti për pronën në Durrës.

Bëhet e ditur se në pranga ka rënë Admir Koleci 28-vjeç, ndërsa vijon puna për kapjen e Mehdiut dhe djalit tjetër, Algerti.

Qefsere Koleci dyshohet se u dhunua brutalisht nga kunati 61-vjeçar dhe dy djemtë e tij të cilët e kanë goditur me sende të forta.

Shkak për ngjarjen është bërë një konflikt për motive pronësie.

Ngjarja e rëndë ka ndodhur të dielën në zonën e Manzës në Durrës.

Gruaja ka marrë plagë të rënda dhe fraktura në trup ndaj nga spitali i Durrësit ku është paraqitur fillimisht është sjellë për mjekim të specializuar në QSUT.