Përpikmëria zvicerane kësaj here duket se është tepruar vërtëtë, pasi një e moshuar 92-vjeçare u gjobit 100 franga, pasi hipi në një autobus 4 minuta më parë.

Është kjo ajo që ka ndodhur në Winterthur, të Zyrihut.

E moshuara ishte e pajisur me abone për përdorimin e mjeteve publike që në orën 09.00 të mëngjesit.

Por kontrollori, e gjobiti për shkak se e moshuara hipi në orën 08.56 minuta.

“Rregulli është rregull, por u inatosa së tepërmi, pasi prisja të më kritikonin por jo gjobë”, tha e moshuara për mediat vendase, shkruan noa.al.

Episodi daton më 7 gusht, por vetëm këtë javë u përhap me shpejtësi në rrjetet sociale.

Ndërkohë një zëdhënës i kompanisë së transporteve pranoi se një kontrollor, ndonjëherë mund ta mbyllë njërin sy, por sipas tij duhen rregulla strikte, pasi në të kundërt situata del nga kontrolli. /a.y/noa.al