Një çift i dëshpëruar ka marrë përsipër një fushatë për të rritur ndërgjegjësimin për rreziqet potenciale të paraqitura tek foshnjat e porsalindura nga i ftohti i zakonshëm.
Foshnja vetëm 13 ditëshe e Sarah Higson dhe James de Malplaquet ndërroi jetë si pasojë e virusit që mund të merret nga një puthje apo prekje e pafajshme nga një i afërm ose infermiere.
Kështu, në mënyrë që të sjellin disa grimca shprese nga tragjedia që u ndodhi, dy prindërit kanë hapur një fondacion që merret me ndërgjegjësimin e prindërve ndaj virusit që merr jetën e më shumë se 65 foshnjave në vit.
Vogëlushi Kit ishte i shëndetshëm kur u lind, por një problem me nivelin e sheqerit në gjak bëri që ai të shtrohej në spital për kujdes special mjekësor.
Duke dyshuar për një infeksion bakterial, mjekët i dhanë antibiotikë vogëlushit.
Por pa rezultat. Kështu ai u shtrua sërish në spital ku u diagnostikua me virusin herpes simplex (HSV), i njëjti virus që shkakton të ftohtin.
Virusi ishte përhapur në gjithë trupin e vogëlushit duke bërë që shumë organe të dilnin jashtë funksionit dhe vetëm ditën tjetër ai u nda nga jeta.