Kuvendi mbylli të hënën këtë sesion parlamentar pa mundur do të votojë mendimin e ligjit për “statusin e gjyqtarëve dhe prokurorëve”, që do t’i hapte rrugë regjistrimeve të reja në Shkollën e Magjistraturës si dhe zëvendësimit të “të djegurve” të Vettingut.

Mazhoranca dhe opozita nuk gjetën dot konsensusin për ndryshimet ligjore që kërkojnë 84 vota.

Por, shumica vijon thirrjet për opozitën për të gjetur një zgjidhje. Kreu i grupit të PS Taulant Balla, deklaroi pas një takimi me deputetin gjerman Nikolas Lobel se le të jetë opozita ajo që propozon mendimet.

“Besoj që kjo rishprehje nga ana jonë e kësaj gatishmërie përmban në vetvete edhe propozimin tonë për opozitën le ta shkruajnë ata amendamentin dhe ne do ta votojmë”, tha Balla.

Ai ftoi opozitën të bëjë gati amendimet dhe ta votojnë ligjin në seancën e parë të sesionit të ri në 3 Shtator.

“PS bëri të gjitha përpjekjet për të garantuar votën e cilësuar në Kuvendin e Shqipërisë, pra 84 vota në funksion të rivendosjes në afat të një dispozite kalimtare që ka të bëjë me pranimet në Shkollën e Magjistraturës dhe të rishprehim gatishmërinë tonë që që në seancën e parë të 3 shtatorit, pasi dielli dhe vera të ketë qetësuar shpirtart dhe mendjen e trazuara të opozitës, vendimi i parë që duhet të votojmë bashkë me PD dhe LSI është pikërisht mundësimi i pranimeve të reja në shkollën e Magjistraturës për të mos vonuar një vit djem dhe vajza ekselentë që kanë studiuar drejtësi dhe që përmushin kriterët, por që sigurisht do të kalojnë konkursin profesional me qëllim që 50 ndër ta të vijojnë studimet në Magjistraturë”, tha ai./a.m./noa.al/