Ai është një futbollist që ka bërë për vete miliona njerëz në mbarë botën.

Bëhet fjalë për spanjollin, Andres Iniesta i cili pas largimit nga Barcelona i ka dhënë lamtumirën edhe Kombëtares.

Iniesta njoftoi largimin nga Spanja kombëtarja pas eliminimit me Rusinë gjatë pasdites së sotme, nga 1/8-at e fazës finale të Kupës së Botës.

“Kjo ishte ndeshja ime e fundit me “La Roja”-n, – thotë mesfushori 34-vjeçar spanjoll.

Ai ka thënë më tej në intervistën e dhënë:

“Në nivelin individual përfundon një epokë e mrekullueshme. Ndonjëherë fundi nuk është siç shpresojmë. Po largohem me trishtim të madh, si të gjithë. Nuk është sigurisht mënyra më e mirë për t’i thënë lamtumirë kombëtares, por në futboll mund të ndodhë edhe kjo”./a.k/noa.al/