Zvicra ka marrë një fitore me vlerë përballë Serbisë, në ndeshjen e vlefshme për kampionatin botëror, “Rusi 2018”.

Zvicerianët kanë marrë një fitore drithëruese në fund të ndeshjes falë golave të dy shqiptarëve nga Kosova.

Takimi përfundoi me rezultatin 2-1 për Zvicrën.

Fillimisht ka qenë Serbia që ka kaluar e para në avantazh shumë shpejt me anë të Mitrovic në minutën e 5’.

Golat për Zvicrën u shënuan nga Granit Xhaka në minutën e 52’ dhe Xherdan Shaqiri në të 90’.

Pas kësaj fitoreje Zvicra ka 4 pikë po aq sa Brazili i cili fitoi ditën e sotme përballë Kosta Rikës me rezultatin 2-0./a.k/noa.al/