Transmetuar më 18-06-2018, 00:14
Një aksident tragjik u shënua mbrëmjen e sotme me pasojë një të vdekur dhe dy të plagosur.
Rrreth orës 22:15 të së dielës, në aksin rrugor Fier-Lushnje, në afërsi të hotel "Adma", Euxhenio Prendi, 26 vjeç, banues në Lushnje, duke drejtuar mjetin tip "Volkswaken" ka aksidentuar një shtetase të seksit femër e cila ka gjetur vdekjen.
Drejtuesi i mjetit pas përplasjes me këmbësoren ka devijuar dhe ka dalë nga rruga.
Për pasojë është dëmtuar drejtuesi i mjetit dhe e fejuara e tij e cila ishte pasagjere në mjet, shtetasja D.K, 22 vjeçe.
Të plagosurit ndodhen në Spitalin e Lushnjes nën kujdesin e mjekëve.
Grupi hetimor po punon për identifikimin e viktimës dhe zbardhjen e plotë të rrethanave të ngjarjes.