Një incident i rëndë ka ndodhur mëngjesin e sotëm në bashkinë e Dibrës, ku punonjësit e këtij institucioni janë përplasur deri në përdorimin e dhunës.

Mësohet se shkak i këtij incidenti është bërë emërimi i një drejtori të komanduar të burimeve njerëzore në këtë bashki. 

Drejtori i komanduar Drini Mataj është sjellë nga Tirana dhe pritet që të bëjë disa shkurtime në disa drejtori të bashkisë.  

Sherri nisi në mbledhjen e mëngjesit që është zhvilluar në këtë institucion dhe pas dhunës verbale sherri përfundoi në përdorimin e dhunës me grushta dhe sende të forta. 

Menjëherë ka mbërritur policia dhe janë shoqëruar në komisariat që nga kryetari i bashkisë, punonjës të policisë bashkiake dhe punonjësit e administratës. Policia ka nisur edhe hetimet dhe po punon për zbardhjen e plotë të rrethanave të ngjarjes. /b.l/noa.al/