Ky është guri më i madh i zbuluar në minierë në një dekadë. Smeraldi peshon më shumë se 1.5 kilogramë dhe është gjetur në fushën e Xeherorit të smeraldit të Malyshevskit.

Sipas korporatës së lartë të Rusisë Rostec, ekspertët vlerësojnë se guri i gjatë 14 cm dhe i gjerë 7 cm mund të jetë me vlerë rreth 4 milionë rubla (mbi 70.000 dollarë).

"Kristali është vënë re në kohë dhe është ngritur në sipërfaqe, prandaj forma e tij origjinale është ruajtur", tha Evgeni Vasilevski, drejtor i divizionit Malysheva.

Smeraldi me larminë e ngjyrave është i tretë për sa i përket vlefshmërisë pas diamantit dhe rubinit. Smeraldi i zbuluar është unik.

Miniera smerald-berilium Malysheva është depozita më e madhe e smeraldit në Evropë. Ajo ndodhet pranë fshatit Malyshev në rajonin e Sverdlovsk. Fusha më e pasur smerald në Urale u zbulua në 1831.