Sekuestrohen 15 kallëpe tritoli me peshë prej afro 6 kilogramë, të cilat u zbuluan të fshehura në dy qese plastike mes shkurreve.

Zbulimi u bë gjatë ditës së sotme nga Policia e Sarandës, pas disa informacioneve të siguruara nga burime kofidenciale.

Më konkretisht blutë e qytetit bregdetar u sinjalizuan se në “Rrugën e Kasolles”, në lagjen Nr.4 Sarandë, mund të kishte të fshehur lëndë shpërthyese tritol.

Si rezultat i kontrollit u gjetën të fshehura në dy qese plastike midis disa shkurreve në lagjen Nr.4, Sarandë, 15 kallëpe tritol, me peshë 400 gramë secili, gjithsej 6 kilogramë.

Aktualisht grupi hetimor po vijon punën për zbardhjen e rrethanave, identifikimin dhe kapjen e autorit si dhe arsyen e fshehjes në këtë zonë të qytetit. /a.y/noa.al

Foto ilustruese