Mbrëmjen e kësaj të mërkure këngëtarja Silva Gunbardhi ishte e ftuar në “Top Shoë Magazine”. Ajo u pyet për anën profesionale, por edhe për atë personale, ku foli pa doreza.

E pyetur nga Alban Dudushi për çfarë zihet më shumë me partnerin e saj Dafin, Silva u shpreh se ata grinden për gjëra të vogla.

 “Çdo çift ka ato uljet e ngritjet e veta. Me Dafin unë zihem për shpejtësinë, kam merak sepse i jep shpejt makinës. Një arsye tjetër pse zihemi është sepse unë e përdor shpesh shprehjen ‘O vëlla’, unë kështu i them se kam dialektin, por ai nxehet kur e përdor”, u shpreh Silva.

Por ajo shtoi se nuk zihen ndonjëherë për çështje xhelozie pasi ajo nuk del natën, vetëm Dafi del me shokët ose në studio.

Por gazetari Ervin Kurti e thumboi me fjalët, “”Ku e di ti që nuk është me ndonjë gocë dhe jo në studio?”.

Në këtë moment Silva nuk e përtoi përgjigjen, duke përfunduar me të qeshura, “Po mirë o le të jetë, ça të bëj unë, të vras veten tani?” /a.y/noa.al