Transmetuar më 24-01-2018, 07:16
Një shpërthim i fuqishëm me eksploziv ka ndodhur në një banesë, ku për pasojë djali i shtëpisë ka mbetur i plagosur.
Më konkretisht ngjarja ka ndodhur rreth orës 23:45 të mbrëmjes së djeshme, e martë, në qytetin e Gjirokastrës.
Në hyrje të banesës së shtetasit A.Liti, në lagjen “Dunavat i Dytë”, Gjirokastër, ka shpërthyer një sasi lënde plasëse.
Si pasojë është dëmtuar Gentian Liti, 34 vjeç, i biri i shtetasit A.Liti, si dhe janë shënuar dëmtime materiale të banesës.
Në vendngjarje ka shkuar grupi hetimor për zbardhjen e plotë të ngjarjes. /a.y/noa.al
Foto ilustruese
Bashkohu me kanalin e NOA WhatsApp për lajmet më të fundit direkt në celularin tënd
