Një ngjarje e dhimbshme ka tronditur fansat e muzikës rock.

Këngëtarja e njohur e grupit irlandez, “Cranberries”, Dolores O’Riordan ka gjetur vdekjen në mënyrë të papritur në një hotel në Londër.

Lajmi është bërë i ditur nga agjenti i saj, i cili nuk ka dhënë shumë detaje në lidhje me shkakun e vdekjes.

Sipas tij familjarët e 46-vjeçares janë të shkatërruar nga humbja e njeriut të tyre të dashur.

Ylli i muzikës rock, që ka performuar kohët e fundit me bandën e saj “D.A.R.K.” po qëndronte në Londër.

Gjatë vitit të kaluar këngëtarja ka pasur disa probleme me shëndetin ku dhe grupi është detyruar të anullojë disa koncerte.

Kënga më e njohur e grupit “Cranberries” është “Zombie” i cili në vitin 1995, konsiderohej një hit i padiskutueshëm./a.k/noa.al/