Një aksident i rëndë me pasojë vdekjen e një personi ka ndodhur sot, në aksin rrugor Sjkodër-Koplik.

Viktimë e ngjarjes ka mbetur një 66-vjeçar, me inicialet GJ.I, nga fshati Shtoj i Ri, i cili ka gjetur vdekjen e menjëhershme.

Ai po ecte në vendin e quajtur Ura e Varkës, teksa është përplasur nga një makinë tip Ford, i cili drejtohej nga 35-vjeçari, Emiljano Zeneli, banues në Malësinë e Madhe. 

Autori i ngjarjes është shoqëruar në komisariat për t’u marrë në pyetje.

Në vendngjarje ndodhet grupi hetimor ku po kryhen veprimet për sqarimin e rrethanave të aksidentit. /k.k/noa.al/