Policia e Kurbinit ka dhënë detajet e para lidhur me grabitjen e armatosur që ndodhi pasditen e kësaj të premte.

Sipas të dhënave parapake mësohet se ngjarja ka ndodhur rreth orës 16:36, ku persona të maskuar dhe të armatosur kanë grabitur nën kërcënimin e armës një bankë të nivelit të dytë.

Sipas policisë, autorët, ende të paidentifikuar, kanë thyer e njësisë së  Bankës dhe kanë marrë një sasi parash të cilat ishin në përpunim nga punonjësit e bankës.

Autorët janë larguar me shpejtësi me një automjet., ndërsa nuk dihet ende shuma e grabitur.

Në vendin e ngjarjes kanë mbërritur forcat e policisë të cilët kanë nisur menjëherë hetimin duke ngritur pika kontrolli nëpër të gjithë qytetin me qëllim arrestimin e grabitësve.

Njoftimi i policisë:

Informacion paraprak

Më datë 29.12.2017, rreth orës 16:36, në Sallën  Operative të Komisariatit të Policisë Laç ka rënë alarmi i nje Banke te Nivelit të Dytë, dega Laç.

Menjëherë shërbimet e Policisë kanë shkuar tek Banka, ku kanë konstatuar se:

Persona akoma të paidentifikuar nën kërcënimin e armës dhe të maskuar, pasi kanë thyer xhamin e njësisë së  Bankës, kanë marrë një sasi parash të cilat ishin në përpunim nga punonjësit e bankës dhe janë larguar me një automjet. Paraprakisht mesohet se nuk ka persona të lënduar.

Janë organizuar dhe ngritur pika të shumta kontrolli, vijon krehja e zonës për kapjen dhe arrestimin e autorëve.

Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes. (e.c/noa.al)