Transmetuar më 21-12-2017, 20:57

Ardian Roçi, punonjësi i policisë i cili u raportua i plgosur me armë zjarri nga kolegu i tij, ka ndërruar jetë pa orë pas ngjarjes.

Gjithçka nisi pas një dreke me oficerin e policisë, Naim Muliu, 55 vjeç, banues në Peshkopi, dhe në kthim të dy u konfliktuan për shkaqe ende të paqarta.

Në sherr e sipër, Muliu nxori armën dhe qëlloi në drejtim të kolegut të tij, dhe më pas e transportoi në spital, ndërsa vetë u dorëzua në polici.

Ardian Roçi mbante detyrën e Specialist i IT, (punonjës civil në Drejtorinë Vendore të Policisë Dibër), ndërsa Naim Muliu punonjës policie, me detyrë Ndihmës Specialist në Seksionin e Teknologjisë dhe  Përgjimit në Drejtorine Vendore të Policisë Dibër.

Një helikopter  i Ministrisë  së Mbrojties u nis për ta percjellë drejt Tiranës për ndihmë më të specializuar, por gjithçka rezultoi e kotë. /k.k/noa.al/