Ministri i Jashtëm i Greqisë, Nikos Kotzias, komenton vendimin e qeverisë shqiptare për të rregulluar varrezat e grekëve të rënë në Shqipëri, gjatë Luftës së Dytë Botërorë.

“Një hap i madh për të qetësuar shpirtrat, por edhe një hap i madh i besimit mes vendeve që provon se diplomacia mund të arrijë shumë më tepër se të bërtiturat pa përmbajtje”.

Është kjo deklarata e Kotzias, e bërë këtë të hënë gjatë një konference që mbajti në Athinë me homologun afgan.

Kotzias shtoi se ky është një hap shumë pozitiv, i cili është vazhdim i faktit se kisha e vogël e Shën Athanasit, e cila u shkatërrua vitin e kaluar në Himarë, tani është rindërtuar me fonde të qeverisë shqiptare.

Në këtë linjë Kotzias deklaroi se diplomacia është mënyra për të zhvilluar pozitivisht marrëdhëniet tona me fqinjët tanë dhe vetë qeverisë sonë qe ka zgjedhur këtë rrugë.

“Ne kemi marrë peshën e rrugës së pajtimit paqësor të diplomacisë dhe axhendës pozitive të zhvillimit”, u shpreh ministri grek. /a.y/noa.al