Një bandë që merrej me trafikun e drogës është goditur nga policia italiane në një operacion masiv.

Sipas mediave të vendit fqinj, pjesë e grupit ishin edhe disa shqiptarë.

Operacioni është zhvilluar disa ditë më parë, pas hetimeve disa vjeçare, por sot janë dhënë informacionet e detajuara për këtë bandë e cila merrej me trafikun e drogës, pjesë e së cilës ishin 10 persona.

Hetimi u quajt “Operacioni Kukulla” për shkak të atij emri të veçantë, “kukull”, me të cilën anëtarët e bandës kriminale thirreshin me njëri tjetrin për të mos rënë së sy të policies, shkruajnë mediat në Itali.

Hetimi filloi pasi një klient, një biznesmen nga Vicenza, u rrah dhe kërcënoi sepse nuk pagoi borxhin, dhe kishte kërkuar nga policia ndihmë.

Mes të arrestuarve ishin dy burra që banonin në qytet, Fabio Di Maggio, 45 vjeç dhe Massimo Marcello Taverni, 45 vjeç.

Në krye të grupit ishte Ahmet Balla, 39 vjeç, që kishte në varësi dy nipër, vëllezër Mario dhe Sabrino Kertusha, respektivisht 26 dhe 23 vjeç. /k.k/noa.al/