Transmetuar më 29-11-2017, 13:51

Kur mëngjesin e së shtunës kapi gjarprin piton të gjatë gjashtë metra, teksa po hynte në shtëpinë e tij, në vend që ta vriste e kapi dhe e mbylli si trofe në një vazo të madhe qelqi.

Por në atë moment nuk e dinte se sapo kishte firmosur dënimin e tij me vdekje. Gjarpri, me kalimin e orëve u bë gjithmonë e më shumë i uritur dhe agresiv dhe në momentin më të parë që arriti të dalë nga vazoja e mbyti burrin që e kishte kapur.

Ngjarja tragjike ndodhi në një shtëpi në provincën e Sukothai, në Tajlandë, ku 55-vjeçari Sawan Tabklai, shkoi pasdite për të kontrolluar prenë e tij dhe ngriti paksa kapakun e vazos, por pitoni iu mblodh rreth kokës duke e mbytur, si dhe e kafshoi në krahë, shkruan noa.al.

I alarmuar nga ulërimat e të vëllait, Pilada Tabklai, 63 vjeç, shkoi që ta ndihmonte, por pa rezultat. Kur ndihma e shpejtë mbërriti 55-vjeçari kishte gjetur vdekjen.

Më pas nga ndërhyrja e policisë u bë kapja e gjarprit, i cili u fut në një thes për t’u vrarë. /a.y/noa.al