Operacionet plastike tek personazhet e njohur është një nga temat më të diskutuara, disa i mohojnë e disa nuk pranojnë të flasin për to.

Por ka edhe nga ato që e thonë hapur çfarë operacioni kanë bërë, e një ndër to është Bleona Qereti.

Këngëtarja e ftuar këtë të shtunë në emisionin “Xing me Ermalin”, e pyetur nga moderatori se çfarë mendimi ka për ata që thonë se ajo ka bërë operacione plastike, Bleona pranoi se ka bërë një ndërhyrje në hundë.

“Kam bërë vetëm hundën”, u shpreh Bleona ndërsa në fund sfidoi koleget e saj të cilat thonë se nuk kanë operacione plastike, të nxjerrin fotot nga fillimi i karrierës.

Më pas, në ekran u shfaqën fotot e Bleonës që në moshë të vogël e deri më sot të cilat Bleona i tregoi me vite, një e nga një.