Rita Ora mund të themi se momentalisht është një nga personazhet më të komentuar në showbiz. 

Pak ditë më parë është mbajtur ceremonia e përvitshme e MTV European Music Awards 2017, ku prezantuese e eventit ishte Rita, e cila i mahniti të gjithë me veshjen e saj, me rrobdëshambër dhe me peshqir në kokë.

Megjithatë surprizat nga Rita Ora nuk paskan fund. Rita Ora është jo vetëm një këngëtare e talentuar por shpesh e ka treguar edhe anën tjetër të saj, atë prej aktoreje të vërtetë. 

Një rol të vogël, e pati edhe në talent show-n “The Voice of Germany”. Rita doli para jurisë të cilët ishin me shpinën e kthyer siç ndodh në këtë show televiziv dhe nisi të këndoi këngën e saj “Your Song”.

Anëtarët e jurisë shtypën njëkohësisht butonin për ta parë atë, gjë që ishte diçka tejet emocionuese dhe befasuese kur panë se Rita ishte përballë tyre. /b.l/noa.al/