Një i shumëkërkuar shqiptar, është ndaluar nga autoritetet e Greqisë, pasi ishte i shpallur në kërkim për veprën penale të vrasjes.

Ndalimi i tij u bë në zonën e Gorgomilos, në Prevezë. Sipas raportimeve, ai është një 31-vkeçar, emri i të cilit nuk bëhet i ditur.

Gjatë kontrolleve të ushtruara në automjetin e tij, policia gjeti një sasi prej 42 kg lëndë narkotike, marijuanë, e ndarë në 29 pako.

Po ashtu, atij ju sekuestruan edhe 1300 euro, si dhe 2 aparate celularë.

Ai po lëvizte me një mjet tip BMW, në pronësi te një tjetër shqiptari.

Gjatë verifikimeve, u vërtetua se ndaj këtij personi ishte lëshuar urdhër-arresti për veprën penale të tentativës për vrasje, dhe trafik droge. /k.k/noa.al/