Transmetuar më 24-10-2017, 09:06

Një i ri nga Vlora ka përfunduar në qelitë e paraburgimit pasi ka dhunuar motrën e tij adoleshente. I dyshuari i ndaluar për dhunën është Geri Lushaj, 27 vjeç, banues në Vlorë.

Arrestimi i tij erdhi pasi ditën e djeshme 27 vjeçari ka shkuar pranë ambienteve të Gjimnazit "Ali Demi" dhe ka marrë me forcë e pa dëshirën e saj, motrën e tij, shtetasen, F. Lushaj, 17 vjeçe, duke ushtruar dhunë fizike e psikologjike ndaj saj për motive të dobëta.

Mësohet se konfliktet mes vëllait dhe motrës ishin të përsëritura, për shkak se i riu njihej si natyrë problematike, por ditën e hënë situata ka përfunduar në dhunë, duke e detyruar vajzën t’i drejtohet policisë për ndihmë.

Nga hetimet policore rezulton se Geri Lushaj ka qenë edhe më parë i dënuar për veprën penale të dhunës në familje.

Materialet u referuan në Prokurorinë e Rrethit Gjyqësor Vlorë, ndaj tij për veprën penale "Dhunë në familje". /b.l/noa.al/

Bashkohu me kanalin e NOA WhatsApp për lajmet më të fundit direkt në celularin tënd