Tiranë, NOA.al- Moti i kthjellët mbetet dominant në territor deri në orët e pasdites kur vranësira të përkohshme shfaqen në zonat malore verilindore dhe juglindore të vendit.

Pjesa e dytë e ditës vijon me kthjellime në zonat bregdetare dhe të ulëta ndërsa vranësira të lehta e kalimtare do të ketë në ekstremin Verior dhe zonat kufitare Lindore.

Sipas MeteoAlb, temperaturat e ajrit do të rriten lehtë në mëngjes dhe mesditë duke bërë që ekstremet në rang vendi të variojnë nga 4 në 29° C.

Era do të fryjë mesatare me shpejtësi deri 32 km/h nga drejtimi verior dhe veriperëndimor duke gjeneruar në det dallgëzim 2- 3 ballë.

Europa

Kontinenti Europian dominohet në pjesën më të madhe të tij nga moti i kthjellët. Kthjellime dhe temperatura të larta përfshijnë Jugun e Europës duke bërë që në gadishullin Iberik të shënohen vlera termike mbi 30°C.

Por Britania Veriore dhe brigjet Perëndimore të Norvegjisë paraqiten me vranësira e rrebeshe të shkurtra shiu. Po ashtu, me vranësirave të shpeshta por shira të dobët mbetet Europa Verilindore. /a.y/noa.al