Detaje të reja dalin në dritë nga atentati i sotëm në Lushnjë, ku mbetën të vrarë dy persona.

Mësohet se njëri prej viktimave është Zamir Latifi, dhe tjetri Jurgen Hoxha. 

Ndërkohë, nga të shtënat me armë ka mbetur i plagosur dhe shtetasi M.Xh., 26 vjeç, banues në Lushnje.

Më vonë, policia ka gjetur një automjet të djegur që dyshohet se i përket autorëve të ngjarjes. Makina e djegur është konstatuar në aksin rrugor Lushnje-Berat.

Ngjarja e rëndë ndodhi në një prej zonave më të frekuentuara të Lushnjës, pranë shëtitores në qendër të qytetit.

Gjithçka mbetet e paqartë sa i përket rrethanave dhe autorëve, ndërsa janë ngritur postoblloqe për të rënë në gjurmët e tyre. /k.k/noa.al/