Sekuestrohen 16.5 kg lëndë narkotike e dyshuar Cannabis Sattiva në Përmet, nëpërmjet operacionit të koduar policor "BEFASIA".

Gjatë operacionit gjithashtu janë asgjësuar 92 bimë narkotike Cannabis Sattiva.

Në pranga ka rënë edhe autori i dyshuar i lëndës dhe bimëve narkotike, Petrit Baço, 54 vjeç, banues në Këlcyrë, Përmet.

Gjatë kontrollit në banesën e tij, në fshatin Gur, Këlcyrë, u gjetën të kultivuara 92 bimë narkotike Cannabis Sattiva.

Gjithashtu nga kontrolli i ushtruar në banesë u gjetën 16.5 kg lëndë narkotike e dyshuar Cannabis Sattiva.

Materialet i kaluan Prokurorisë së Rrethit Gjyqësor Gjirokastër për veprat penale "Kultivim i bimëve narkotike" dhe "Prodhim dhe shitje e lëndëve narkotike"./a.k/noa.al/