Përdori për 35 vite me radhë lente kontakti dhe gjatë këtyre viteve, pa e kuptuar la në brendinë e syve 27 të tilla.

Është ky rasti i pabesueshëm i shënuar në Britaninë e Madhe dhe i raportuar nga revista shkencore “British Medical Journal”.

Është rasti i një gruaje 67-vjeçare, e cila ndonëse kishte në sy me dhjetëra trupa të huaj, gjatë gjithë kësaj kohe nuk kishte ndjerë asnjë shqetësim.

Nuk kishte kuptuar asgjë dhe mbeti e shokuar po aq sa mjekët, kur i thanë se çfarë i koshin gjetur në sy.

Zbulimi u bë gjatë një ndërhyrje në katarakt, në spitalin e Solihull në juglindje të Birmingham, në Angli, shkruan noa.al.

27 lentet në sytë e gruas ishin bërë një masë kompakte bashkë me mukozën.

Pacientja tha se ndihej shumë më mirë që nga momenti i heqjes së lenteve.

“Ka shumë pacientë që u ngel lentja poshtë qepallës së sipërme, sidomos kur nuk janë mësuar me përdorimin e lenteve, por ky rast është unik”, thanë mjekët e spitali anglez, duke shtuar se gruaja ka rrezikuar seriozisht që të kishte infeksion të syve. /a.y/noa.al