Gazetari Artan Hoxha, i ftuar në emisionin “Kjo Jave”, ka folur për vrasjen në Sukth, ku mbeti i vrarë Ervin Dalipaj dhe Juxhin Dauti. Hoxha ka thënë se ka dyshime se në këtë vrasje është i përfshirë një zyrtar policie që merret me sektorin e ngjarjeve të rënda, i cili prej disa ditësh nuk është paraqitur në detyrë, shkruan BalkanWeb.

Megjithatë, gazetari Hoxha nuk përmendi emra, pasi sipas tij do të dëmtoheshin hetimet.

“Kjo është një ngjarje e rëndë, dhe kam thënë që kemi të bëjmë me një zyrtar tjetër të policisë. Makina që përdorën viktimat ishte shumë e shpejtë dhe vështirë ta neutralizoje me një mjet të thjeshtë. Mjeti qe perdoren autoret rezulton te jete perdorur nga nje oficer policie.

Kamerat e sigurisë nuk janë kontrolluar ende të gjitha, se duhen ndjekur lëvizjet minutë pas minute. Nuk ka pasur shumë bashkëpunim mes bizneseve të zonës, pasi kanë pasur frikë", tha Hoxha.