Dalin detaje nga takimi i ditës së sotme mes kryeparlamentarit Ilir Meta me zv. Ndihmës Sekretarin Amerikan të Shtetit për Çështjet e Sundimit të Ligjit dhe Trafikut Ndërkombëtar Narkotik Ambasador Alexander Arvizu, i cili shoqërohej nga ambasadori amerikan në vendin tonë, Donald Lu.

Meta dhe Arvizu vlerësuan bashkëpunimin mes Shqipërisë dhe SHBA dhe ndanë shqetësimin e përbashkët mbi situatën aktuale politike në vend.

Kryetari i Kuvendit u shpreh se Shqipëria e vlerëson mbështetjen e pandalur amerikane në drejtim të sundimit të ligjit, luftës kundër krimit të organizuar, trafikut të drogës dhe korrupsionit duke nënvizuar se vendi ka nevojë për dialog e përgjegjshmëri për të garantuar zgjedhje të lira e të ndershme dhe për të avancuar reformat kyçe në vend si ajo e sistemit të drejtësisë.