Këngëtarja bukuroshe Rozana Radi, njihet mes të tjerash si një tekstshkruese shumë e zonja. Këtë aftësi të sajën e ka pasqyruar prej vitesh tashmë tek këngët e saj dhe të kolegëve, të cilat kanë mbetur gjatë në mendjen e publikut.

Këtë herë ajo, ka shkruar një poezi për shkrimtarin  e saj të zemrës, Dritëro Agolli i cili u nda nga jeta pasditen e sotme dhe mesa duket nuk e ka pasur aspak të vështirë për të lidhur fjalët në vargje.

Ndryshe nga shumë personazhe publike, që në shenjë respekti për shkrimtarin e mirënjohur shqiptar kanë postuar poezitë e tij të mrekullueshme, Rozi Radi ka krijuar një të tillë posaçërisht për të.

Ja krijimi i Rozit për Dritëro Agollin:

Po të kërkoj tani në raft

Te librat që mbajnë emrin tënd, Ti je poeti i shpirtit të marrë Në çdo varg e në çdo shkronjë.

Këtu do t’jesh, s’do jesh larguar

Të kam në raft ty si gjithherë, Sikur të bredh në këmbë gjithë qiellin s’do gjej poet, si ty të tjerë.