Pak ngjarje në futboll janë ndeshur me protesta të mëdha apo përbuzje kur aktet shihen si kontroverse. Futbolli italian i njeh mirë skandalet dhe imazhi global i tyre ka vuajtur në mënyrë permanente për shkak të tyre. Më poshtë janë 10 skandalet apo polemikat më të mëdha në Seria A.

1. Akuzat e Dopingut

Akuzat për doping në futbollin italian nuk janë të reja, në të kaluarën Claudio Caniggia dhe Diego Marafona kishin përdorur kokainë, ndërsa sot nuk ka kaluar edhe shumë kohë kur për të njëjtën gjë janë akuzuar edhe Gianluca Vialli dhe Alessandro Del Piero. Sisitemi që merret me parandalimin dhe përdorimin e dopingut janë munduar gjithmonë të qëndrojnë në hije sa i përket akuzave që i marrin nga mediat.

2. Maurizio Sarri kundër Roberto Mancini

Me siguri që ka qenë incidenti më i shëmtuar i sezonit 2015/16. Napoli ishte pranë eliminimit nga Coppa Italia, duke humbur 2:0 me Inter kur ndodhi një debat i nxehtë midis dy trajnerëve në zonën e bankinave. Trajneri i Napoli-t u akuzua se kishte përdorur fjalë tepër ofenduese disa prej të cilave ishin interpretuar si homofobe nga Mancini. Sarri u dënua me dy ndeshje pezullim në Coppa Italia-s, shkruan telesport. Ky incident solli shumë pikëpyetje rreth mënyrës se si federata menaxhon incidentet homofobe.

3. Goli “fantazmë” i Sulley Muntari-t

Ishte indikatori më i qartë se teknologjia ‘goal-line’ duhej patjetër në Seria A. Juventus dhe Milan ishin duke luftuar për titullin e Seria A, me ekipin milanez që kishte një avantazh të vogël kundër rivalëve. Antonio Nocerino kishte kaluar ekipin e Milan në avantazh kur dy ekipet u ndeshën në “San Siro”, përpara se Sulley Muntari mendoi se kishte shënuar golin e nokautit kur goditi topin me kokë drejt rrjetës. Arbitri Paolo Tagliavento bëri me gisht për në qendër të fushës, por anësori Roberto Romagnioli pretendon se Gianluigi Buffon e kishte grushtuar topin duke e ndaluar të kalonte vijën fatale. Nuk duheshin për t’u parë përsëritjet për të vërtetuar rregullsinë e atij goli.

4. 1925: Vjedhja e madhe

Megjithëse është gati një shekull më parë, polemikat në Itali zgjasin përjetësisht. Seria A e vitit 1924/25 ishte një luftë midis Bologna dhe Genoa, me një sërë playoff-esh që duhet të vendosnin se kush do të ngrinte trofeun; me probleme me tifozeritë dhe vendimet e dyshimta të arbitrave që ishin momentet kryesore të dy ndeshjeve të para ekipi nga Emilia ishte duke u mbështetur nga partia fashiste. Më në fund dy ekipet luajtën më dyer të mbyllura herët në mëngjes për të vendosur njëherë e  mirë fituesin dhe Bologna fitoi 2:0, duke i mohuar Genoa-s titullin e 10-të dhe të drejtën të vendoste një yll në fanellë. Genoa do ta cilësonte si një ‘vjedhje të madhe’ teksa janë akoma në pritje të titullit që do t’i jepte yllin e parë në fanellë.

5. Mohimi i titullit të Torinos më 1972

Torino ka shumë vite që jeton në hijen e rivalëve të Juventus, por në 1972 Granata ishte pranë fitimit të titullit. Ata ishin duke humbur me rezultatin 2:1 kundër Sampdoria-s kur Aldo Agoppi shënoi një gol me kok të cilin nuk ja quan arbitri. Konfuzë dhe të dëshpëruar, Torino humbi dhe Juventus fitoi titullin. Arbitri Barbaresco më vonë do të pranonte se vendimi i tij ishte i gabuar; megjithëse ishte diçka që nuk e ngushëlloi shumë Torinon dhe tifozët e tij.

6. 1998 ‘Penalltia e Ronaldo-s’

26 prill 1998, një datë që nuk harrohet kollaj nga tifozët e Inter. Me Nerazzurri dhe Juventus që po luftonin për titullin kampion, dy ekipet u takuan në “Delle Alpi”. Sulmuesi brazilian hyn në zonë dhe pengohet nga Mark Iuliano por arbitri mendon se loja duhet të vazhdojë, një vendim që më vonë pranon se ishte i gabuar. Alessandro Del Piero shënoi golin e avantazhit në fillim të takimit dhe rezultati mbeti i pandryshuar. Edhe sot e kësaj dite tifozët e Interit flasin për titullin e vjedhur të vitit 1998.

7. Mohimi i titullit të Fiorentina-s në vitin 1982

Është një nga momentet më polemikë të asaj kohe. Zonja e vjetër ishte me pikë të barabarta me Fiorentina-n teksa po hynin në ndeshjen e fundit të kampionatit me La Viola që nuk arrin më shumë se një barazim pa gola pas një goli të Francesco Graziani i cili quhet i pavlefshëm nga arbitri. Juventus, të cilët kishin përballë Catanzaron, shpëtuan për “mrekulli”, teksa arbitri në fillim nuk jep një penallti kundër tyre dhe më pas akordon një penallti për ta. Liam Brady shënoi duke i dhënë Juventus titullin e 20-të.

8. 1981 ‘Goli i Turone-s’

Cilësohet si një nga ngjarjet më të debatuara në historinë e Seria A. Kryesuesit e kampionatit Juventus prisnin ekipin e vendit të dytë Roma në Torino, me dhjetë minuta të mbetura Maurizio Turone goditi topin duke mundur Dino Zoff për të kaluar Roma-n në avantazh, por arbitri Paolo Bergami e anulloi golin me arsyetimin se ishte pozicion jashtë loje dhe ndeshja përfundoi pa gola. Mbetet akoma një temë e nxehtë nëpër kafenetë italiane. Por fakti është se Juventus u shpall kampion edhe atë vit.

9. Skandali i basteve të sezoni t 2011/12

Pas ngjarjeve të 2006, pak veta do të kishin pritur se do të fillonte një skandal tjetër në Itali. Në qershor të vitit 2011 lojtarë si Giuseppe Signori dhe Cristiano Doni, u arrestuan për lidhjet e tyre me bastet dhe fiksimit të ndeshjeve në ligat e ulëta. Atalanta-s iu hoqën gjashtë pikë nga ai sezon. Investigime të mëtejshme zbuluan emra të tjerë të mirënjohur duke përfshirë trajnerin Antonio Conte dhe lojtarët e përfaqësueses Leonardo Bonucci, Stefano Mauri dhe Domenico Criscito.

10. Calciopoli

Pa dyshim që skandali më i famshëm që ka goditur futbollin italian. Në maj të vitit 2006 policia italiane filloi të kontrollonte bisedat telefonike që nxirrte në pah aktet kriminale të kampionëve të Seria A Juventus. U ekspozua një rrjet i madh i ndeshjeve të fiksuara, ku klubet zgjidhnin arbitrat e tyre të preferuar për të influencuar rezultatin e ndeshjeve të tyre. Juventus zbriti në Serie B, Milan iu hoqën 30 pikë dhe Fiorentina me Lazio-n u përjashtuan nga kompeticionet evropiane për një vit. Ishte një ngjarje e rëndë për futbollin italian, pasojat e së cilës akoma ndihen në futbollin italian./b.l/noa.al/