Një listë e plotë dhe e përditësuar, me shtetet ku njihet leja e qarkullimit e lëshuar nga autoritetet shqiptare, është publikuar zyrtarisht nga Drejtoria e Përgjithshme e Shërbimeve të Transportit Rrugor.

Në listën që noa.al jua sjell të plotë më poshtë, listohen shtete ku patentat e lëshuara në Shqipëri njihen nga marrëveshje ndërkombëtare.

Gjithashtu, gjendet edhe lista e shteteve palë të Konventës për Trafikun Rrugor Vjenë 1968, e shteteve të Bashkimit Europian, dhe e shteteve me të cilat Shqipëria ka marrëveshje dypalëshe për njohjen dhe konvertimin e leje drejtimit shqiptar.

Por gjithsesi, jo lejet e drejtimit të automjetit që përdoren brenda Shqipërisë janë të njohura dhe të konvertueshme në këto shtete.

Vetëm lejet e qarkullimit ndërkombëtare.

Megjithatë, nuk është aspak e vështirë për ta pasur një të tillë.

Mjafton që të shkoni te një nga zyrat e DPSHTRR, në Tiranë ajo gjendet në Kashar, dhe të kërkoni pajisjen me leje drejtimi ndërkombëtare, duke paguar 500 lekë. Paraqitni patentën e vlefshme brenda vendit dhe një foto me ngjyra me përmasa 4 x 5 cm.

Në pak minuta kjo leje ju jepet nga çdo drejtori rajonale. Qytetari mund të aplikojë për leje drejtimi ndërkombëtare në çdo drejtori rajonale, pavarësisht vendbanimit.

Fjala vjen nëse jeton në Durrës dhe je duke udhëtuar në Gjirokastër, këtë leje mund ta marrësh edhe në drejtorinë e atjeshme rajonale.

Vlefshmëria e saj është deri në datën e përfundimit të afatit të vlefshmërisë së lejedrejtimit kombëtare, por jo më shumë se 2 vjet. /a.b/noa.al/

Lista e plotë

Armenia

Austria

Azerbajxhani

Bahama

Bahreini

Bjellorusia

Belgjika

Bosnje Hercegovina

Brazili

Bullgaria

Republika e Afrikës Qendrore, Kili

Kosta Rika

Bregu i Fildishtë

Kroacia

Kuba

Republika Çeke

Republika Demokratike e Kongos

Danimarka

Ekuadori

Estonia

Finlanda

Franca

Gjeorgjia

Gjermania

Gana

Greqia

Guajana

Selia e Shenjtë

Hungaria

Indonezia

Irani

Izraeli

Italia

Kazakistani

Kenia

Kuvajti

Kirgistani

Letonia

Liberia

Lituania

Luksemburgu

Meksika

Moldavia

Monako

Mongolia

Mali i Zi

Maroku

Hollanda

Nigeri

Norvegjia

Pakistan

Peruja

Filipine

Polonia

Portugalia

Qipro

Katari

Republika e Koresë

Rumania

Federata Ruse

San Marino

Senegali

Serbia

Sejshel

Sllovakia

Sllovenia

Afrika e Jugut

Spanja

Suedia

Zvicra

Taxhikistani

Tajlanda

Irlanda

Ish Republika Jugosllave e Maqedonisë

Tunizia

Turqia

Turkmenistani

Ukraina

Emiratet e Bashkuara Arabe

Malta

Mbretëria e Bashkuar e Britanisë së Madhe dhe e Irlandës së Veriut

Uruguai

Uzbekistani

Venezuela

Vietnami

Zimbabve

Kosova