Durrës, 29 maj 2016, NOA.al –Policia e Shtetit ka publikuar pamjet e disa prej grabitjeve të kryera nga katër të rinj, të cilët u arrestuan ditën e shtunë në Durrës, gjatë operacionit “Burgman”.

Në këtë video pre e grabitjes është një pikë karburanti, dy persona me kokore motori në kokë futen në zyrën ku ndodhen dy punonjësit. Nën kërcënimin e armëve ata marrin paratë e xhiros.

Më pas është një tjetër grabitje ku dy persona futen pikë të transfertave të parave dhe rimbushjes së numrave të telefonit.

Njëri prej tyre është i maskuar me kokore motori në kokë, ndërsa tjetri me kapuç. Këtë radhë nën kërcënimin e thikave ata marrin një shumë të konsiderueshme parash.

Sipas policisë, katër të dyshuarit në bashkëpunim me njëri-tjetrin i janë dokumentuar 6 grabitje të ndodhura në Durrës dhe Shijak./f.g/noa.al/