Shtëpia e David Bowie, që ndodhet në Karaibe jepet me qira 70 mijë dollarë në javë. Bowie e ndërtoi vilën në vitin 1989, duke e pagëzuar “Mandalay Estate”, dhe më pas ia shiti për 4 milionë dollarë poetit anglez Felix Dennis, i cili vdiq në vitin 2014.

Një marrëveshje e mirë kjo atëherë për të dyja palët, por nëse krahasohet me çmimin e tanishëm, ajo nuk vlente asgjë. Pak ditë pas vdekjes së poetit, trashëgimtarët e Deniss, arritën që t’ia shisnin banesën sipërmarrësit britanik Simon Dolan rreth 20 milionë dollarë.

Nëse dikush ka dëshirë që të kalojë disa ditë në shtëpinë e ish-yllit të muzikës, duhet të paguajë 70 mijë dollarë për një javë. Vila është e kompletuar me shije, ka pishina dhe disa dhoma. Për më tepër ndodhet në një vend përrallor.