Tiranë, 6 maj 2016, NOA.al- Mbyllen hetimet për ish- ministrin e Punës dhe Çështjeve Sociale, Spiro Ksera, i akuzuar për veprën penale vjedhje duke shpërdoruar detyrën.

Prokuroria e Tiranës konfirmoi sot se ka përfunduar hetimin dhe dërgon për gjykim ish-ministrin Spiro Ksera, katër ish-vartës të tij dhe administratorin e një kompanie private, pasi akuzohen se kanë vjedhur rreth 30 milionë lekë të reja (300 milionë lekë të vjetra), nëpërmjet procedurave fiktive për realizimin e disa aktiviteteve të pazhvilluara.

Të pandehurit akuzohen se kanë kryer procedura fiktive për kryerjen e disa aktiviteteve kulturore për grupet me nevoja specifike. Nga hetimi i Prokurorisë së Tiranës ka rezultuar se aktivitetet nuk janë realizuar, por ndërkohë të pandehurit kanë plotësuar të gjithë dokumentacionin e nevojshëm për lëvrimin e fondeve publike të parashikuara për organizimin e tyre.

Në përfundim të hetimeve, Prokuroria e Tiranës e akuzon, ish- ministrin Spiro Ksera, hetuar me masë sigurimi ”arrest në burg”, për kryerjen e veprës penale të “Vjedhjes duke shpërdoruar detyrën”, në bashkëpunim.

Kleves Bitro, i hetuar me masë sigurimi ”arrest në burg”, akuzohet për kryerjen e veprave penale të “Falsifikimit të dokumenteve”, në bashkëpunim, dhe “Vjedhja duke shpërdoruar detyrën”, në bashkëpunim.

Artevis Mene, i hetuar me masë sigurimi “arrest në burg”, akuzohet për veprën penale “Falsifikimi i dokumenteve”, në bashkëpunim.

Dritan Fejzulla, i hetuar me masë sigurimi “arrest në burg”, akuzohet për kryerjen e veprës penale të “Falsifikimit të dokumenteve”, në bashkëpunim.

Ndërsa Elda Kozaj, hetuar me masë sigurimi “detyrim për paraqitje”, akuzohet për kryerjen e veprës penale të “Falsifikimit të dokumenteve”, në bashkëpunim.

Elisabeta Dodbiba, e hetuar me masë sigurimi “detyrim për paraqitje”, akuzohet për kryerjen e veprës penale të “Falsifikimit të dokumenteve”, në bashkëpunim.

Alban Karabashi, administrator i agjencisë “Spektakël Karabashi”,  i hetuar me masë sigurimi “arrest në burg”, në mungesë, akuzohet për kryerjen e veprës penale të “Vjedhjes”, në bashkëpunim./a.y/noa.al

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]

Akuza për vjedhje, ish-ministri mbetet në burg

Apeli lë në burg ish-ministrin Ksera: Diskriminim se jam minoritar grek

Pamjet e ish-ministrit Ksera në pranga, arrestohen dhe tre të tjerë |VIDEO

Arrestohet Spiro Ksera, ish ministri i Punës në qeverinë “Berisha”