Tiranë, 13 shtator 2015,  NOA.al – Detyrës së shefit të Interpol Tirana i është rikthyer sërish Artan Bajraktari, i cili u pezullua nga detyra pasi akuzohej se kishte fshehur kërkesën e autoriteteve belge për arrestimin e deputetit Mark Frroku.

Mësohet se rikthimi në detyrë vjen pasi Prokuroria ka pushuar hetimet ndaj tij.

Bajraktari u pezullua me firmën e ish­-drejtorit të Përgjithshëm të Policisë, Artan Didi, me të cilin më pas pati edhe një ballafaqim në Prokurori, për shkak të deklaratave të ndryshme.

Gjykata e Apelit e shpalli të paligjshëm arrestimin e Bajraktarit më 5 maj,  vendim që solli më pas edhe pushimin e çështjes nga Prokuroria. /b.l/noa.al

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]