Tiranë, 20 gusht 2015, NOA.al-  Plagoset rëndë një kalimtare mëngjesin e sotëm në Tiranë. Qytetarja është përplasur nga një autobus i linjës Kinostudio-Kombinat, në zonën e Kombinatit.

Sipas dëshmitarëve aksidenti ka ndodhur ndërsa gruaja po kalonte nga njëra anë e rrugës në tjetrën.

Menjëherë është lajmëruar policia dhe ka mberritur ambulanca. Pak minuta me pas, e plagosura është transportuar për në spital, ku ndodhet në gjendje të rëndë.

Policia, e cila ndodhet në vendngjarje ka nisur hetimet paraprake, duke ndaluar shoferin e autobusit të linjës Kombinat-Kinostudio,  dhe po punon për zbardhjen e shkaqeve të aksidentit. /e.gj/noa.al/