Itali, 16 gusht 2015, NOA.al- Një vajzë e re 15 vjeçe, Francesca Spennato, vdiq mbrëmë, rreth orë  02:30, e goditur nga rrufeja në shtëpinë e gjyshit të saj, i cili jetonte në  Melissano, një qytet i  vogël  në Salenton e Jugut, në zonën e Leçes.

Vajza sapo ishte kthyer në shtëpi me një mik dhe kishte përgatitur diçka për të ngrënë,  në momentin që ajo ka tentuar të  heqë spinën e mikrovalës na ndodhur edhe tragjedia.

Sipas ekspertizës së parë mësohet se Francesca ka qenë e zbathur dhe duart i ka pasur të lagura, ndërsa priza elektrike nuk ka qenë në gjendje të mirë.

Goditja ka qenë shumë e fortë duke i shkaktuar vdekjen brenda pak minutash 15-vjeçares.

As ndihma e ambulancës dhe as e miqve të saj nuk kanë mundur të bëjnë asgjë për ta mbajtur në jetë Francescën.

Në vendngjarje kanë mbërritur edhe forcat e policisë së zonës, të cilët kanë bërë të ditur se shtëpia ishte e vjetër dhe nuk ka pasur mbrojtjes për shkarkimin e rrufeve.

Francesca ishte vajzë e vetme dhe kishte dy vëllezër më të mëdhenj Andrean dhe Angelon, të cilët banojnë larg nga Salento. Miqtë dhe të afërmit, nesër do ti japim lamtumirën e fundit 15-vjeçares. /e.gj/noa.al