Kurbin, 13 gusht 2015, NOA.al-  Dy vëllezër kanë rënë në prangat e policisë në Kurbin. Mehdi Lilaj, 30 vjeç, banues në Gjorëm, Kurbin dhe Gëzim Lilaj, 44 vjeç , banues në Gjorëm, Kurbin, janë prangosur me akuzën e kultivimit të lëndëve narkotike.

Policia informon se arrestimi i tyre u bë, pasi në baze të informacioneve të marra në rrugë operative dhe në zbatim të planit të masave të Komisariatit të Policisë Kurbin për kontrollin e territorit në zonën e Bashkisë Mamurras, në fshatin Fushë – Gjorëm dhe pikërisht në oborrin e banesës këtyre shtetasve, mbrapa banesës së tyre u gjetën 134 rrënjë bimë narkotike si ajo e llojit “Cannabis Sattiva”, me lartësi 2 -4 metra.

Në banesën e shtetasit Mehdi Lilaj  u gjetën 43 bimë dhe në banesën e shtetasit Gëzim Lilaj  u gjetën 91 bimë,   gjithsej 134 rrënjë që u asgjësuan  në  vend  me  anë  të  djegies.   /e.gj/noa.al