Tiranë, 10 gusht 2015, NOA.al-  Shirat e muajit shkurt qenë fatale për banorët e Novoselës dhe të fshatrave për rreth, duke përmbytur gjithçka kishin më me vlerë.  Kanë kaluar gjashtë muaj dhe banorët e këtyre zonave shprehen se nuk kanë marrë asgjë nga qeveria, ndaj sot kanë protestuar duke bllokuar aksion kombëtar, protestë e cila ka vijuar edhe para godinës së ish-komunës.

Ata e quajnë të padrejtë ndarjen e të dëmshpërblimeve të dhëna nga qeveria.

Banorët kërkojnë drejtësi për dëmshpërblimet, të cilat sipas tyre kane qenë selektive deri më tani.  Ata akuzojnë ish-drejtuesit e komunës për korrupsion, pasi siç thonë banorët, familje të shumta s’kanë përfituar asgjë pavarësisht dëmeve të shumta.

Protestuesit deklarojnë se u janë drejtuar institucioneve përkatëse, por nuk kanë marrë zgjidhje. Nga skema, sipas tyre, janë përjashtuar edhe invalidët, pavarësisht se janë deklaruar si parësorë.

Përmbytjet e shkurtit në Novoselë shkaktuan dëme kolosale në banesa, bujqësi dhe blegtori. /e.gj/noa.al