Tiranë, 8 gusht 2015, NOA.al- Kryeministri Edi Rama  është shprehur se Ishulli i Sazanit po transformohet nga një bazë ushtarake në një stacion turistik.

Në postimin e tij në rrjetin social facebook, Kryeministri shkruan se, “shumë vizitorë në ditë kanë filluar të prekin tashmë nga afër Ishullin e Sazanit, një perlë e jona turistike deri më sot e pashfrytëzuar, por me potencial të jashtëzakonshëm për turizmin detar, të aventurës, historisë e peshkimit. Ndërkohë në bashkëpunim të ngushtë me agjencinë e famshme franceze të konservimit të territorit po hidhen hapat e parë për zbatimin e projektit që do ta transformojë Sazanin në një atraksion turistik të klasit të parë duke vënë theksin tek ruajtja e vlerave natyrore dhe historike të ishullit”. /e.gj/noa.al