Në pikat kufitare që lidhin Kosovën me Serbinë, gjatë ditës së sotme paraqiten radhë të gjata e të lodhshme deri në kufijtë e rraskapitjes për shkak të vonesave të shumta në kalimin e automjeteve dhe udhëtarëve.

Me qëllim të njoftimit të qytetarëve dhe gjithë opinionit të gjerë, sa i përket pritjeve në

Policia e Kosovës pranon se janë krijuar radhë kilometrike, por shton se ka shtuar numrin e  personelit policor në pika kufitare me qëllim të aplikimit të punës së kontrollit kufitar të përshpejtuar, për t’i shmangur pritjet e gjata.

Informacionet e orës 13:00 tregojnë se në Merdare (Podujevë) në hyrje kolona është e gjatë rreth 4 km, ku pritjet janë të paktën 4 orë.

Ndërsa në dalje kolona është jo më pak se 2 km dhe pritjet zgjasin duke nisur nga 2 orë.

Ndërsa në pikë-kalimin kufitar tek Dheu i Bardhë (Gjilan) në hyrje kolona është e gjatë rreth 3 km, ku pritjet zgjasin rreth 3 orë, e po ashtu edhe  në dalje kolona është deri në 3 km),  dhe pritjet janë të njëjta rreth 3 orë.

Kurse në pikë-kalimin kufitar Mutivodë (drejtimi i fshatit Keçekollë)  dhe pikë-kalimi kufitar Muqibabë –(Gjilan)  në hyrje dhe në dalje nuk ka pritje të gjata, përveç pritjeve normale afërsisht deri në 20 minuta.

Policia e Kosovës me qëllim të shmangies së pritjeve të gjata, njofton të gjithë qytetaret se, “ata që mund të shfrytëzojnë pikë-kalime të tjera kufitare ku nuk ka pritje apo ka më pak pritje, t’i shfrytëzojnë ato pasi nuk ka kolona dhe pritje të gjata, duke përfshirë pikë kalimet-kufitare Mutivodë në drejtim të fshatit Keqekoll dhe Muqibabë  – Gjilan pasi ku nuk ka pritje fare, apo pritjet janë më të shkurtra krahasuar me pikë kalimet kufitare Merdare dhe Dheu i Bardhë, të cilët janë më të  frekuentuara”.

Policia thotë se gjendja në pikë kalimet kufitare sa i përket pritjeve mund të ndryshojë varësisht prej rritjes apo zvogëlimit të frekuentimit të automjeteve.