Një vogëlush e ka paguar shtrenjtë, me jetën e tij, skenën që iu desh të shihte teksa ndodhej në shtëpi, ku gruaja e xhaxhait të tij ishte duke bërë seks me një kushëri të tyre.

Ngjarja ka ndodhur në qytetin turg Igdir, raporton noa.al.

Mediat turke shkruajnë se fëmija u shpall i zhdukur më 29 korrik dhe disa ditë më vonë u gjet i vdekur.

Enes Tosun, djali gjashtë vjeçar që shikoni në fotot e mëposhtme, u gjet i groposur në oborrin e shtëpisë.

Për gjetjen e fëmijës ndihmuan qentë e specializuar ëpër nuhatje të të zhdukurve.

Ekspertët mjekoligjorë konstatuan se kishte marrë goditje në kokë.

Hetimet provuan se fëmijës i ishte përplasur koka në dyshme duke i marrë jetën.

Një e afërt femër e viktimës, e identifikuar si G. Tosun, është e dyshuara kryesore në rast, pasi u kap nga policia në përpjekje për të ikur nga shtëpia e saj, kur u gjet trupi i vogëlushit në kopsht.

G.Tosun, e cila është e martuar me xhaxhanë e djalit, raportohet se i ka thënë prokurorit se djali kishte hyrë në shtëpinë e saj kur ajo ishte në shtrat me një të afërt të burrit të saj.

Ajo tha se dashnori i saj, i identifikuar si M. Tosun, pastaj e kishte vrarë djalin që ai të mos i tregonte familjes atë çfarë kishte parë.

Kryekomunari i zonës, Tuncer Yaman duke folur për mediat tha se gruaja që u arrestua njihej si korrekte dhe nënë e respektuar e tre fëmijëve.