Nëpërmjet një fluturimi riatdhesimi të përbashkët me charter, janë kthyer sot pasdite në Shqipëri 44 shtetas shqiptarë të cilët akuzohen se kanë shkelur rregullat e qëndrimit në Zonën Shengen.

Operacioni i riatdhesimit u zhvillua nga autoritetet suedeze në bashkëpunim me ato franceze dhe gjermane.

Gjatë fluturimit, shoqërimi i shtetasve shqiptarë është bërë nga oficerët e tyre. Në përbërje të eskortës kishte mjek dhe psikolog.

Shteti organizator i këtij fluturimi ishte Suedia.

Numri total i të kthyerve është 44 shtetas, ku 31 shtetas janë kthyer nga Suedia, 8 shtetas nga Gjermania dhe 5 shtetas janë kthyer nga Franca.

Në fotot shikoni pamje pas mbërritjes së të riatdhesuarve sot rreth orës 16.00 në Rinas.

Të gjithë shtetasit e kthyer sot, janë penalizuar për 5 vjet mos të udhëtojnë drejt vendeve të hapësirës Shengen. /a.b/noa.al/