Pogradec, 12 qershor 2015, NOA.al – Një person është arrestuar në qytetin e Pogradecit, pasi duke drejtuar mjetin e tij, është përplasur me një karrocë me kuaj.

Burime nga policia e këtij qyteti bëjnë me dije se në pranga ka rënë 24-vjeçari Xhemil Agolli, banues në Dolan, ndërsa të aksidentuarit, të cilët po lëviznin mbi karrocë janë 59-vjeçari Sh.K. si dhe 64-vjeçari S.K., të dy banues në fshatin Petrushë.

Ngjarja ka ndodhur mbrëmjen e djeshme në aksin rrugor Pogradec – Korçë, në afërsi të fshatit Petrushë, ku i riu Agolli ka qenë duke drejtuar automjetin tip veturë “Mitsubishi”, me targa AA 735 KI dhe ka humbur kontrollin e mjetit duke goditur një karrocë të tërhequr nga kuaj

Të  cilët  ndodhen në Spitalin Civil  të  Pogradecit, jashtë  rrezikut  për  jetën. Drejtuesi i mjetit pas aksidentit, është larguar nga vendi i ngjarjes, por më pas është  bërë  ndalimi  i tij.

Materialet  i  kaluan Prokurorisë  të  Rrethit  Gjyqësor Pogradec, për  veprat penale “Shkelja e rregullave të qarkullimit rrugor” dhe “Largimi nga vendi i aksidentit”. /a.s/noa.al

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]