Lezhë, 13 shkurt 2015, NOA.al –Ish kryetari i Komunës Milot, Vlash Gega është shpallur në kërkim dhe po punohet për kapjen e tij, pasi dyshohet se ka vjedhur një automjet.

Burime nga policia bëjnë me dije se 53-vjeçari Gega, banues në Milot, Kurbin, ka vjedhur dhe ka shitur për skrap automjetin tip Fiat 900 DTE gërryes, shtytës (Bjellorus), në pronësi të komunës Milot.

Mësohet se ky mjet, i cili fillimisht është cilësuar i vjedhur, gjendej prej disa kohësh në pikën e prodhimit të blloqeve në pronësi të ish kryetarit të Komunës Milot, Vlash Gega.

Sipas zyrtarëve të policisë, nga veprimet hetimore të kryera deri më tani, rezulton se Gega e ka shitur ketë mjet për skrap dhe dyshohet te jetë autori i vjedhjes së mjetit.

Materialet në lidhje me këtë ngjarje i kalojnë Prokurorisë së Rrethit Gjyqësor Kurbin për veprën penale të  vjedhjes, ndërsa po punohet për kapjen e Vlash Gegës.

Qëndrimi i policisë

Me datën 13.02.2015, filloi procedimi penal  në ngarkim të shtetasve:

1-B. H.,  banues në Milot, rrethi Kurbin, me detyrë aktuale Kryetar i Komunës Milot, Rrethi Kurbin.

2-A. L.,  banues në Shullaz, rrethi Kurbin,  ish shofer i Komunës Milot, rrethi Kurbin.

Proçedimi ndaj tyre filloi pasi, Komisariati i Policisë Kurbin me datë 09.02.2014 ka  konstatuar se është vjedhur mjeti tip FIAT 900DTE, lloji Germues shtypes (Varinsk), i cili ka qenë në pronësi të Komunës Milot. Sipas veprimeve të para hetimore ka rezultuar se ish kryetari i komunes Milot e ka shitur këtë mjet për skrap. Ky mjet kishte rreth tre vjet që qëndronte për ruatje në servisin e ish kryetarit të komunës Milot, V. G., i cili  është shpallur në kërkim për vjedhje, pasi nuk është bërë i mundur kapja e tij. Kryetari i komunës B H dhe ish shoferi i komunës A. L., me mosveprime dhe me  mos përmbushje të rregullt të detyrës, i kanë krijuar një dëm ekonomik komunës Milot, duke mos marrë masa në sigurimin e mjetit. Materialet i janë referuar  Prokurorisë së Rrethit Gjyqësor Kurbin për ndjekje të   mëtejshme për veprën  penale “Shpërdorim detyre” , neni  248, i Kodit Penal./a.s/noa.al

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]