Sekretari i Mbrojtjes, Chuck Hagel, është duke planifikuar ndryshime të mëdha brenda forcave bërthamore të vendit, duke premtuar edhe investime miliarda dollarëshe, për të përmirësuar menaxhimin e arsenalit bërthamor të Shteteve të Bashkuara të Amerikës.

Hagel, ka urdhëruar kontrollimin e forcave bërthamore, pasi gazetarët hetues në SHBA, në fillim të këtij viti, zbuluan probleme të shumta në menaxhim, në siguri dhe në aspektin moral.

Raportet e mediave, kanë dokumentuar një mori gabimesh që kanë ndodhur tek menaxhimi i forcave bërthamore gjatë dy viteve të fundit, ku përfshihen sjelljet e këqija nga ana e udhëheqësve, gabime në trajnime, shkelje të rregullave të sigurisë dhe mashtrime në provime.

Këto raportime, kanë çuar në disa shkarkimeve, ulje në grada, si dhe marrjen e masave të tjera disiplinore ndaj personelit të Forcave Ajrore të SHBA-së.

Zyrtarë të Pentagonit, kanë thënë për Associated Press, se Hagel pritet që të zbulojë më shumë detaje lidhur me këtë çështje, në një konferencë për media në orët në vazhdim.