Tiranë, 6 shtator 2014, NOA.al- Kryetari i Kuvendit Ilir Meta, njëherësh kryetar i Lëvizjes Socialiste për Integrim ka komentuar arrestimin e Guvernatorit të Bankës së Shqipërisë, Ardian Fullani.

Ai tha se qëndrimi i LSI dhe i mazhorancës mbetet i pandryshuar në mbështetje të Prokurorisë dhe gjyqësorit, për të hetuar deri në fund mbi skandalin e vjedhjes dhe për tu vendosur pikat mbi i.

I pyetur nga gazetarët nëse do të kërkohet shkarkimi i Fullanit, Meta tha, “Do të respektohet Kushtetuta dhe ligji. Mazhoranca do të punojë për të rritur pavarësinë e Bankës së Shqipërisë dhe për të rritur integritetin e saj. Reforma në drejtësi do të ecë përpara dhe bashkëpunimi me të gjithë institucionet kushtetuese është i nevojshëm i domosdoshëm dhe duhet të jetë reciproik”, u shpreh Meta.

Deklarata e tij u dha gjatë një aktiviteti për dhjetë vjetorin e LSI, ku Meta ishte i pranishëm te shtëpia e fëmijës “Zyber Hallulli” në veprimtari të organizuara nga partia që ai drejton të cilat vijnë në ndihmë komunitetit dhe ambienteve publike si dhe fëmijëve jetimë.

Arrestimi i Fullanit për vjedhjen në BSh, sa vite burg rrezikon Guvernatori

Basha: Politika të mos ndikojë në proces

Kreu i Partisë Demokratike, Lulzim Basha, duke komentuar arrestimin e Fullanit tha se, lidhur me vjedhjen në Bankën e Shqipërisë duhet transparencë maksimale.

“Politika nuk duhet të ndikojë në këtë proces dhe çdo gjë duhet lënë në duart e drejtësisë. Duhet transparencë maksimale dhe veçanërisht një proces i pamotivuar nga frymëzimi oligarkik Rama-Meta”, tha Basha”./a.y/noa.al/

Fatos Shanaj, avokati i Elivar Golemit: Arrestimi ishte i paligjshëm: Do ta apeloj vendimin

Avokati mbrojtës i kryeinspektores së Përgjithshme të Bankës së Shqipërisë Elivar Golemi e cilësoi masën e sigurimit të dhënë për klienten e tij si të paligjshëm. Pas takimit me Golemin në ambientet e drejtorisë së Policisë Tiranë, Fatos Shanaj tha se do të apelojë masën e caktuar nga shkalla e parë.

Arrestimi Fullanit dhe Golemit Guvernatori i Bankës së Shqipërisë, Fullani dhe inspektorja e përgjithshme e këtij institucioni, Elivar Golemi u vunë në pranga mbrëmjen e së premtes nga agjentët e policisë së Tiranës.Guvernatori u shoqërua pas daljes nga ambjentet e bankës së Shqipërisë në sheshin Avni Rustemi.

Vetëm pak orë më vonë rreth orës 21.00 mbërriti dhe kryeinspektorja e BSH, pedagogia Elivar Golemi, e aktivizuar me punë edhe tek Deloitte. Sipas policisë ajo iu vetëdorëzua uniformave blu të cilat e shoqeruar e saj në ambjentet e drejtrorise se Tiranës.

Guvernatori Fullani dhe Golemi u arrestuan pas vendimit te gjykatës së Rrethit Tiranë per masen e sigurisë arrest me burg, dhënë te premten rreth ores 15.00. Fullani edhe bashkëpunëtorja e tij, Golemi, akuzohen për kryerjen e veprës penale të “shpërdorimit të detyrës”.

Dy zyrtarët e larte të arrestuar pasditen e së premtes, ditën e hënë ata do të dalin përpara gjykatës për të bërë verifikimin e masës së arrestit të dhënë në mungesë.

Po të hënën, avokatët mbrojtës paralajmëruan se do të ankimojnë vendimin e gjykatës dhe do të kërkojnë hetim në gjendje të lirë për klientët.

Pse tani Adrian?

Guvernatori Fullani u arrestua mbrëmë dhe zyrtarisht Prokuroria e Përgjithshme tha se kreu prangosjen e Adrian Fullanit. Ky është në të vërtetë emri që zyrtarisht rezulton të jetë i regjistruar për Fullanin.

Por pse gjithmonë pas zgjedhjes si Guvernator, sidomos pasi mori mandatin e dytë, Fullani njihej vetëm me emrin Ardian?

Pse vetë stafi i Bankës së Shqipërisë e publikon informacionin mbi të me emrin Ardian Fullani?

Një mister ky ndoshta i vogël e i parëndësishëm, ose…

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]