Tiranë, 29 gusht 2014, NOA.al- Është mbledhur në orët e para të paradites Konferenca e Kryetarëve në Kryesinë e Kuvendit, për të vendosur kalendarin e punimeve për tre javët e para të sesionit të ri parlamentar.

Në vijim u mblodh Komisioni i Ligjeve i cili diskutoi dekretet e kthyera nga Presidenti Bujar Nishani për rishqyrtim në Kuvend, për ligjin e KLD, për Shkollën e Magjistraturës, Gjykatën Administrative dhe Reformën Territoriale.

Gjatë mbledhjes u rrëzuan të katër dekretet e Presidentin ai për KLD, për Gjykatën Administrative, Shkollën e Magjistraturës dhe Reformën Territoriale.

Ndërkohë Komisioni i Sigurisë Kombëtare në një mbledhje të posaçme diskutoi lidhur me dekretin e Presidentit për ligjin e Policisë së Shtetit, duke e rrëzuar atë pasi sipas relatorit Arben Çuko nuk ka asgjë për rishqyrtim dhe s’ka kundërshti me ligjin.

Në argumentet e tij për kthimin në Kuvend, Presidenti ishte shprehur se ligjet bien ndesh me Kushtetutën.

Përmbledhja e Konferencës së Kryetarëve

Konferenca e Kryetarëve u mblodh sot dhe miratoi kalendarin 3-javor të punimeve të Kuvendit të Shqipërisë.

Kryetari i Kuvendit, Ilir Meta bëri me dije se në bazë të nenit 74, pika 1 të Kushtetutës dhe nenit 42, pika 1 e Rregullores së Kuvendit, të hënën e parë të muajit shtator, nis sesioni i tretë i Legjislaturës së VIII-të të Kuvendit.

Anëtarët e Konferencës së Kryetarëve pasi u njohën me kalendarin e punimeve diskutuan edhe për axhendën e seancës plenare.

Meta njoftoi të pranishmit në mbledhje se seanca e parë plenare për këtë sesion do të zhvillohet më datë 1 shtator 2014 dhe do të nisë në orën 17:00.

Opozita nuk ishte e pranishme në mbledhjen e sotme të Konferencës së Kryetarëve. /a.y/noa.al/

Nishani kthen në Kuvend ref. territoriale. Rama: Do zmbrapsim dekretet

Presidenti kthen tre ligje për rishqyrtim në Kuvend

Nishani kthen ligjin për Shkollën e Magjistraturës

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]